寶蓮禪寺齋堂

營業中

休息中

去camp經過寶蓮寺，想試下齋菜，於是滿心歡喜叫咗個二人餐。坐低好快就上菜同湯。個老火湯都幾清，好夠味，幾好飲。四個餸，仲有一個無影到。春卷個皮幾脆，入面包住蘿蔔絲，味道單調又有少少油。冬菇菜心，菜心煮得太耐，唔夠爽口，冬菇正常。其他兩味餸都一般，可能平時食開重口味，如果中意食濃味應該會食唔慣。另外，唔明點解匙羹要用即棄，好唔環保，而其他餐具就唔係即棄，強烈建議唔好再用即棄餐具，為地球出一分力嘛！