影片
更多
2018-05-25
1426 瀏覽
兩個月前誤打誤撞嚟過一次食晏，老婆幾鍾意呢度，環境輕輕鬆鬆，假日嘅客人唔多，加上上次細閱餐牌時，已見到佢啲早餐豐富得嚟幾實惠，所以，今個主日再過開嚟尖沙咀，就特意再晌度食個早餐。環境唔多講，因為上次食評都描述過，雖然喺星期日大朝早，估唔到都有好幾枱客，而且，睇落似喺遊客多過本地人。早餐分3大類：歐陸早餐、三文治套餐及精選早餐，由$26-$36，包餐飲，亦可加錢轉特色咖啡。我哋兩公婆都揀精選早餐類，因為，睇起嚟豐富啲。B1精選早餐 $36小弟揀咗「B1」，食物包括炒蛋、雞尖腸、火腿、茄汁豆、牛角包，但跟餐牌嘅相比較，感覺有啲落差，尤其茄汁豆真喺好隨意撻兩羹俾你。咁味道得唔得先？整體嚟講，只喺中規中矩，炒蛋唔滑，咁公平啲講，佢餐牌無寫明喺炒滑蛋，唔可以挑剔佢；雞尖腸就幾好食，唔喺平價貨嘅雞肉腸，食落我就覺得似喺豬肉腸；火腿煎得較油淋淋，但最唔得喺啲茄汁豆，無搵個小兜盛載都無乜所謂，但連叮吓都唔做，入口喺凍嘅就唔OK囉；至於牛角包，如果稍微烘一烘熱，效果會好啲，而依入口唔算脆，牛油香欠奉。B3精選早餐 $36老婆就想試試「B3」嘅蘑菇芝士奄列配茄汁豆及穀麥多士，因為有蘑菇，又喺無肉之選。同樣
環境唔多講，因為上次食評都描述過，雖然喺星期日大朝早，估唔到都有好幾枱客，而且，睇落似喺遊客多過本地人。
早餐分3大類：歐陸早餐、三文治套餐及精選早餐，由$26-$36，包餐飲，亦可加錢轉特色咖啡。我哋兩公婆都揀精選早餐類，因為，睇起嚟豐富啲。
B1精選早餐 $36小弟揀咗「B1」，食物包括炒蛋、雞尖腸、火腿、茄汁豆、牛角包，但跟餐牌嘅相比較，感覺有啲落差，尤其茄汁豆真喺好隨意撻兩羹俾你。
咁味道得唔得先？整體嚟講，只喺中規中矩，炒蛋唔滑，咁公平啲講，佢餐牌無寫明喺炒滑蛋，唔可以挑剔佢；雞尖腸就幾好食，唔喺平價貨嘅雞肉腸，食落我就覺得似喺豬肉腸；火腿煎得較油淋淋，但最唔得喺啲茄汁豆，無搵個小兜盛載都無乜所謂，但連叮吓都唔做，入口喺凍嘅就唔OK囉；至於牛角包，如果稍微烘一烘熱，效果會好啲，而依入口唔算脆，牛油香欠奉。
B3精選早餐 $36老婆就想試試「B3」嘅蘑菇芝士奄列配茄汁豆及穀麥多士，因為有蘑菇，又喺無肉之選。同樣地，跟餐牌嘅相片有落差，但都喺預期嘅事。
老婆嘅早餐就好啲，雖然茄汁豆都喺咁，但烘脆嘅穀麥多士唔錯，但為慳成本，「求其」一抹牛油晌碟邊，真喺比快餐店嘅水平更低；奄列就唔似官方張相有咁多蘑菇喇，淨睇外觀都見，只喺薄薄一層擺咗少少蘑菇，蛋亦煎得比較乾，感覺做得欠誠意，但求交功課嘅感覺。
橙汁餐飲可以揀即磨咖啡、紅茶、檸茶、橙汁，上次老婆揀橙汁，今次亦然，因為相對健康少少。而橙汁喺有點點橙肉嘅「果汁先生」一類貨色。
鮮奶咖啡 +$8上次試過佢啲鮮奶咖啡，覺得頗有水準，今次當然「翻兜」。上次拉花喺隻小白兔，今次喺隻貓仔，同樣拉得得細緻可愛，而咖啡味醇香，口感均勻。
有時啲嘢就喺咁，期望越大，反而失望越大，今次嘅早餐，唔喺差、唔喺難食嘅，同上次嘅結論一樣，只喺覺得有好多細節位都可以輕易改善，只喺有種做得迤迤哋嘅感覺。
張貼
