日嚐 (已結業)

因為之前嚟食過日嚐嘅封門柳，覺得超級好食，仲推介咗俾好多朋友😍於是今日諗住重拾當時嘅美味，可惜水準keep唔到，失望而回😥😥1️⃣慢煮封門柳配自家製雜菌燒汁（$98）配味付海蜇一上到嚟，我急不及待試吓上次冇試過嘅海蜇！但原來用白醋撈嘅，食落除咗酸味，其他味已經被遮蓋，而海蜇亦都唔夠爽脆😵‍💫到重頭戲封門柳，見到個擺法比上次擺得hea之餘，亦都唔夠之前大份同厚切😟再放入口試吓，表面燒得乾如柴，裏面亦唔夠淋，慢煮嘅感覺一啲都無😫至於味道，比上次淡好多，一啲都唔覺係雜菌味😥真係非常失望2️⃣慢煮法國鴨胸配柚子BBQ醬（$68）鴨胸同之前食過嘅黑毛豬有相似嘅感覺，同樣係非常厚切，黑毛豬係配蘋果蓉，而鴨胸係配柚子，都係酸酸甜甜嘅感覺🤔慢煮方面，鴨胸較封門柳好啲，起碼肉質冇咁粗糙，而BBQ醬亦都有發揮到佢嘅味道👍🏻📍總結：-12點多少少嚟到好彩有位，因為遲5分鐘已經要排隊。-其實見到仲有人排隊，相信水準真係唔係咁差，可能係時好時壞😥-希望餐廳可以盡量保持到水準，令到顧客回頭。但我短期內都會三思食唔食，因為大角咀美食真係好多。