壹玖陸零 (已結業)

原本打算與朋友食個晚飯farewell，見到有咁多好評就book檯，點知令人極之失望。整體嚟講，所有食物嘅份量都好細，女仔都唔夠食，食物味道調味偏鹹，油膩感好重，仲要加一服務費，四人總共食左$541，完全唔值呢個價錢，唔飽且鹹到要係咁飲水。雖然最後有送個甜品，係普通奶凍，味道正常，但都食到一肚氣。除左雞翼之外其他菜式都唔太好食，中下嘅味道水準配上一人百幾蚊嘅價錢，覺得性價比極低，差到要專登開食評，唔會再幫襯。