潮式腸粉 (已結業)

自己本身很愛煙un同口感滑嘟嘟嘅食物，糯米，年糕，腸粉無一不歡，唯獨身邊那個口味同自己截然不同，因此食盡元朗咁耐，都未嘗潮式腸粉。難得一天皇恩浩蕩，竟然開出潮式腸粉俾我揀，當然好好把握機會，點知.....入到店舖，無人招呼，自己搵位，只得一獨男。望住餐牌，只得字，無圖參考，什麼粿條，粿汁，完全無概念係咩。勇敢一試，叫咗招牌抄粿汁$58，等咗一陣，期待已久嘅炒粿汁終於出埸。心想: ！$58咁細碟嘅？可能細碟但好食，但結果失望，粿汁原來非常un, 胃痛者完全不適合進食。而且無料，只得芽菜，好運的話可以夾到少量札肉碎。雖然都夠火喉，但無味，自己加d辣椒油都幫助不大。第二樣招牌鮮蠔腸$48，睇樣好似好好食，但原來命運一機。腸粉算幾滑，但入面嘅料太濕。蠔仔，魷魚太熟，未隔乾水就放入腸粉皮包裹，導至醬汁水汪汪，亳無味道。望望其他食客，無論咩菜式，都一定夾雜大量芽菜。試過一次，唔會再幫襯lu~價錢貴，又唔好食。就算鐘意煙un都無用。加上獨男只顧玩手機，有客到都唔係好知，服務梗係叫一叫先旭一旭啦。失望...