日本野 (已結業)

純粹試下嘅心態去食，食完完全係失望！吉列牛伏黎、京蔥串燒咗幾下就上菜，入面係生嘅，辣喉嚨、三文魚沙律啲三文魚完全係冇味、係得刺身尚算正常。以後都唔會再去，最好加埋其他野食咗700up 我覺得咁樣嘅食物質素完全唔符合呢個價錢。櫃檯帶位態度同溝通技巧真係睇唔過眼，我知你繁忙時間多人要安排入座係會麻煩啲，但係可以有禮貌啲同啲人講行埋一邊等一等，而唔係用啲好煩厭嘅語氣去講囉，見到咁樣嘅服務態度真係打咗個突。