鮮芋仙 (荃新天地)

營業中

休息中

夜晚食完飯行過見到好多人排隊，望真啲原來開咗間鮮芋仙嗰度！我以前去大陸工作必食，幾乎每一隻款都食過，係佢嘅忠粉，所以毫無猶豫即刻加入排隊大軍....大約等咗20分鐘就到我買。叫咗個芋圓2號$45熱嘅，我鍾意食佢個紅豆湯底同埋地瓜。不過後來拎到返屋企食，兩個字形容，失望！紅豆湯水fing fing，紅豆都唔多，簡直係偷工減料。同大陸相比，餡料例如芋圓非常之少，隻碗係幾大，但係根本就係水多，完全唔值咁嘅價錢，亦都唔值排隊。以後唔會再買。總括來講同大陸嘅味道真係差天共地。