添好運點心專門店

營業中

休息中

今日去深水埗買電腦用品，行咗成個鐘好攰啦就搵吓嘢食啦。其實深水埗真係多咗好多嘢食，但仲係好掛住以前食過嘅點心店，真係越嚟越出名，係深水埗行過去都差唔多四五個字。可能夜晚嘅關係，人又唔多，好快就入得去，好掛住個雪山叉燒包，叉燒包依舊熱辣辣好好味道，呢個叉燒包真係保持到水準。其他點心都嚟到，不過我覺得蝦餃同燒賣就大不如前啊，唔單止冇味到，而且好肥膩。賽螃蟹春卷都幾好食，脆脆嘅春卷，點解我上次冇食到嘅。不過最令我失望嘅都係嗰個糯米雞，味道差左好多而且入邊啲料好唔足，好多糯米飯。滿心歡喜咁行過嚟，食點知餐廳食物差咗咁多，我諗今次係我最後一次食添好運了。