影片
更多
2021-12-05
1761 瀏覽
【尖沙咀】La Vache 同朋友慶祝生日，揀咗呢間裝修帶點田園風情嘅扒房，La Vache係法文，意思係“嗰隻牛（The cow）”，從舖名已經睇得出係專門食牛扒。Lunch set只有一款，USDA Prime 10oz肉眼扒 $398，或者+$118升級為14oz。套餐包括沙律、無限量供應薯條、甜品。✨香脆核桃沙律有核桃同蘿蔔仔，健康得嚟好開胃。✨USDA Prime 10oz肉眼牛扒 嗌咗medium同medium well，一早切好晒，上到枱已經見到入面粉嫩嘅顏色，煎得岩岩好。牛扒會放喺一個有蠟燭嘅架上面keep warm，呢個位好細心，欣賞！肉質方面就有失水準啦，雖然煎得好靚，但食落鞋口，肉味還好，食唔出係高級嘅扒。另外薯條建議快啲食，好快灘凍晒。雖然係任食薯條，但我同友人都係小鳥胃，一份薯條都食唔曬。✨當日甜品有4款選擇：紅莓慕絲蛋糕、朱古力海綿蛋糕、檸檬撻同拿破侖。我哋揀咗紅莓蛋糕同朱古力蛋糕，老實講兩款都唔好食。不過上甜品嘅時候staff會唱生日歌，好有氣氛。呢餐一人一個set加杯野飲，埋單$1000，唔算平，水準亦去唔到呢個價位，個人嚟講回頭率係零。*溫馨提示* 餐
同朋友慶祝生日，揀咗呢間裝修帶點田園風情嘅扒房，La Vache係法文，意思係“嗰隻牛（The cow）”，從舖名已經睇得出係專門食牛扒。
Lunch set只有一款，USDA Prime 10oz肉眼扒 $398，或者+$118升級為14oz。套餐包括沙律、無限量供應薯條、甜品。
✨香脆核桃沙律
有核桃同蘿蔔仔，健康得嚟好開胃。
✨USDA Prime 10oz肉眼牛扒
嗌咗medium同medium well，一早切好晒，上到枱已經見到入面粉嫩嘅顏色，煎得岩岩好。
牛扒會放喺一個有蠟燭嘅架上面keep warm，呢個位好細心，欣賞！
肉質方面就有失水準啦，雖然煎得好靚，但食落鞋口，肉味還好，食唔出係高級嘅扒。
另外薯條建議快啲食，好快灘凍晒。雖然係任食薯條，但我同友人都係小鳥胃，一份薯條都食唔曬。
✨當日甜品有4款選擇：紅莓慕絲蛋糕、朱古力海綿蛋糕、檸檬撻同拿破侖。
我哋揀咗紅莓蛋糕同朱古力蛋糕，老實講兩款都唔好食。不過上甜品嘅時候staff會唱生日歌，好有氣氛。
呢餐一人一個set加杯野飲，埋單$1000，唔算平，水準亦去唔到呢個價位，個人嚟講回頭率係零。
*溫馨提示*
餐廳係計人頭收費，所以就算嗌一個set share，都係會照收每人一個set嘅價錢，所以非常唔推薦小鳥胃嘅朋友去。
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🐱整體評分：✨✨✨✨(4/10)
💰人均消費：500
📍地址：La Vache! (尖沙咀)
尖沙咀赫德道12號地下
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
張貼
