東喜茶 (已結業)

完全中晒伏,當日同朋友出咗尖沙咀,行行下口渴,省起最近好似好多人幫襯東喜茶,於是抱住一試嘅心態去幫襯。我同朋友本身都好期待,自己都幾鍾意芝士泡味道,我哋飲桂花烏龍,點知飲落原來同大陸嘅喜茶完全無得比,除咗包裝似同有好多茶款同喜茶係一樣之外,無樣嘢比得上喜茶,最重點係成杯嘢完全無茶味,無茶味同無茶味(重要到要講3次),另外啲芝士泡唔知點解成舊痴住,又唔滑,倒唔到個飲用位,最後飲晒啲無味嘅茶都唔係好飲到芝士,三十幾蚊呢個質素不如飲返天仁或者貢茶...