京饌 (已結業)

非常差的晚飯體驗!我地一行4人訂了當晚6點晚飯, 5:50PM已到達餐廳。我地企左係reception 大約5分鐘, 完全無人理我地, 我跟住行入D試圖找職員幫手, 但職員不理會, 就算同我有眼神接觸的都無意圖想招呼我地入座, 已經再企多了5分鐘, 我就入去收銀位置找個部長 (因她的制服不同), 她不太禮貌地指向門口, 叫我出去等!! 我同佢講我已經等左10分鐘, 但她沒有理會。企多2-3分鐘, 終於有個侍應帶我地入座。其實當時時間尚早, 場內只有2成位置有客, 所以肯定不是太忙無閒帶位!好的, 算! 到了點菜時間。同我地落單的侍應態度極差, 沒有笑容沒有講唔該沒有講多謝我都無所謂, 但唔該態度好小小, 唔好對我地反白眼!食物質數: 我唔可以講難食, 但唔係好食。同埋大部分野係預先整定,  北京填鴨的夾餅係凍既, 好明顯係一早蒸定; 生煎包又係唔熱, 而且內便係無湯汁, 應該係凍左"鯨"哂, 其他野食無特別但唔係好味。埋單唔平, 差不多$800 (4位)。好難再會去呢間餐廳!