Eggcellent 852

營業中

休息中

今日天寒地凍，諗住落街買個熱辣辣既雞蛋仔暖下胃。之後就去左間YouTuber 經常介紹既隱世雞蛋仔，試一試佢。本身懷住一個好期待既心情黎食雞蛋仔，因為見網上都好多正面評價，點知換拎既係非常大既失望。去到有2、3個客人係前面。我就叫左個蘋果肉桂雞蛋仔。係客人唔多既情況下，都要等左10幾分鐘先有。個雞蛋仔一拎上手就好失望，因為似係擺得太耐凍左，食落口個雞蛋仔係凍。至於味道方面，個蘋果肉桂味就同麥當勞個蘋果批係一樣，但佢個蘋果肉桂就甜左少少。如果要我揀，我會覺得麥當勞個蘋果枇仲好食。總結係我唔會再幫襯，名過於實。