影片
更多
2014-10-22
631 瀏覽
上星期六同男朋友入左西貢玩，諗住夜晚順便在西貢搵食，我地就一齊睇下openrice，當晚一心想食西餐，就搵到呢間” Pizzeria La Gondola”簡介話自己係”水都旁的親民餐館”，就懷住希望去試試。去到鋪頭，門面係一間非常簡單的餐廳，當我地一行埋去，門外一個店員非常熱情主動咁介紹餐廳有咩招牌菜，佢話一定要試佢地個肉丸，係獨家秘制架，手打架好好食，仲一定要點pizza，因為好出名。餐廳有分任點任食同set dinner，我同男友就叫左個二人set dinner。當然要試下頭先店員落力推介既肉丸同pizza啦~一開始上餐湯(南瓜湯)同另一個跟餐既salad湯唔夠熱，偏甜，好多南瓜蓉，似糖水多過似意大利南瓜湯。沙津有煙三文魚同雜菜，味道冇特別。之后係小食，話說個肉丸係拼雞肉串的，點知上台竟然係一個小碟裝住2串雞肉....我同男友都有d o咀，以為係隔離台叫任食d野送錯左，因為佢個雞肉串竟然係茶餐廳食下午茶餐配個沙津個種好細條既雞肉串 (唔記得影相)。後來醒起仲有個肉丸架應該，先仿然大悟碟野係我地。話到明係拼盤，點解2樣野係分開上呢? 味道?應該大家都知道茶餐廳雞串係咩味既。之後上肉
我地就一齊睇下openrice，當晚一心想食西餐，就搵到呢間” Pizzeria La Gondola”
簡介話自己係”水都旁的親民餐館”，就懷住希望去試試。
去到鋪頭，門面係一間非常簡單的餐廳，當我地一行埋去，門外一個店員非常熱情主動咁介紹餐廳有咩招牌菜，佢話一定要試佢地個肉丸，係獨家秘制架，手打架好好食，仲一定要點pizza，因為好出名。
餐廳有分任點任食同set dinner，我同男友就叫左個二人set dinner。
當然要試下頭先店員落力推介既肉丸同pizza啦~
一開始上餐湯(南瓜湯)同另一個跟餐既salad
湯唔夠熱，偏甜，好多南瓜蓉，似糖水多過似意大利南瓜湯。沙津有煙三文魚同雜菜，味道冇特別。
之后係小食，話說個肉丸係拼雞肉串的，點知上台竟然係一個小碟裝住2串雞肉....
我同男友都有d o咀，以為係隔離台叫任食d野送錯左，因為佢個雞肉串竟然係茶餐廳食下午茶餐配個沙津個種好細條既雞肉串 (唔記得影相)。後來醒起仲有個肉丸架應該，先仿然大悟碟野係我地。
話到明係拼盤，點解2樣野係分開上呢? 味道?應該大家都知道茶餐廳雞串係咩味既。
之後上肉丸，所謂既手打肉丸:
用屋企食飯既飯碗裝4粒丸比你，淋d茄汁，呢個就叫意大利手打肉丸 口感好硬，似食貢丸。
之后係意粉:
好細碟，意粉發得好脹炒到斷開一條條，個下心諗，我炒比你食好過啦。味道普通。
Pizza: 終於搵到樣似返少少樣既野，冇呃人，pizza整得唔錯，餅底好脆好薄，食落口好香，topping有肉腸、洋蔥、青椒、芝士，焗得岩岩好，好味!
甜品：雪糕泡芺泡芺食落太腍身，雪糕雪得過硬，唔算好難食，不過唔好食。
總結：一個咁既dinner set 盛惠288大洋仲要加一，以咁既質素同份量真係完全唔值，我同男友食完係唔夠飽既。我欣賞店舖「堅持自家制」，但自家制都要睇質素，如果份量多少少我條氣會順d，奉勸各位，請唔好抱住食意大利菜既期望去食，唔係你會失望。
P.S.: 在我地旁邊一對男女客人，結帳時待應比左張卡片個女客人，點知女客人細細聲話：我以後都唔會再黎呢度!!! 然後放低卡片頭也不回咁走左。
張貼
