傷心酸辣粉 (已結業)

今日專登去深水埗間傷心酸辣粉度試吓個招牌菜，我入到店坐低等咗1min都冇人攞個餐牌俾我，到最後我只好自己起身去隔籬枱拎嚟睇。我order咗個中辣嘅招牌酸辣粉+鹵肉$28，我覺得個辣湯底都算ok，係咸咗少少，不過都可以接受，但個粉嘅質感就好似食橡筋咁咬好耐先咬得斷，仲要有啲有味、有啲又好咸，而鹵肉就最差，色淡味淡不特止，仲有啲益味，咁即係表示鹵嘅時間唔夠耐，令到啲腩肉唔入味。我最後只食到唔夠半碗就放棄走人。我食嘅過程中，聽見隔籬枱想叫侍應俾杯水，個侍應答番個人客話1杯水要$1，我先察覺到原來冇茶水架喎。係…好多乜米線乜粉麵都冇俾茶水，但都未至於問佢哋攞時要收錢架啵，雖然$1唔係貴，但感覺上變得好似冇service咁，不過侍應嘅service都算唔錯嘅…收錢嗰陣。