Kitchen M (已結業)

同朋友一齊去食lunch，點知好失望！我叫左個雞髀配薯蓉，朋友就要煎豬扒，同樣跟麵包同南瓜湯。麵包同湯都可以，但兩個主菜都唔掂。先講我個雞髀，明明係stuffed，但個所謂stuffing無味而且同雞的分量欠balance。個面未煎夠，唔香亦唔脆。薯蓉太濕，口感差，味道淡而無味。賣相再好亦無用！朋友的煎豬扒非常薄，個樣似煎魚，朋友無講好唔好食，但佢食完就只得一句：以後唔駛黎。另外一提，上菜速度非常慢。如果趕住返公司就要有心理準備！