祥香茶餐廳 (已結業)

特登黎堅尼地城老字號祥香茶餐廳潮性, 結果失望而回。懷舊茶記裝設樓下無位, 我地要上2樓食。奶茶茶味濃, 但不夠滑口。蛋撻蛋撻像出爐放了十世似的, 凍冰冰, 死罪, 撻皮唔係酥皮, 有少許牛油味, 其實蛋撻只要熱或暖食己經不會太差。雞批個皮都脆脆地, 算鬆化既, 味道可以, 可惜上檯又係凍的。菠蘿油菠蘿油靈魂係……一件冰凍厚的牛油塞入熱辣辣的菠蘿包內, 牛油表面溶在包內, 咬一口冷熱在口腔內交錯…… 可惜菠蘿包又係凍的, 其實佢個菠蘿包皮脆心軟, 何解佢地唔用方法保持暖度呢? 上檯唔熱, 暖都好吖, 包點凍冰冰上檯整得幾好食都係假, 大打折扣。