誠記小籠包拉麵 (已搬遷) 新店位置

上網見人話呢度可以一條龍食哂上海野同芋圓，於是去完嘉頓山順便黎試埋。叫左小籠包、奶油津白、咕嚕魚、排骨菜飯同豆漿。間野冷氣唔夠，我地就坐左係近街張枱，冷氣口。成間鋪用透明膠片間開街同鋪，點知有個醉酒佬想突襲坐喺膠片側邊嘅我地，嚇死，即刻坐返入面。豆漿甜爆，冇豆味，唔好飲。全部菜黎齊，但上錯左個奶油津白，變左津白肉球，變相少左津白，不過我地冇同侍應講，照食。肉球好大，成個網球咁，一人一個好飽。排骨菜飯同小籠包正常，冇咩特別。咕嚕魚得個幾片魚塊，仲要一夾就碎，好脆弱，唔抵食。食完正餐跟手叫個芋圓黎食。超！級！唔！掂！食緊粉團咁，完全冇地瓜同芋頭味。懷疑只係用糯米粉同色素整。轉頭去隔離街食返碗足料芋圓補數。整體黎講，好食嘅上海菜大有餐廳在，甜品又唔出色，唔使黎呢度食。