藍象泰國餐廳 (已結業)

之前去曼谷錯過了藍象，見香港有就食返一次，結果令人失望。事先訂位，所以星期日都唔使等，但可能週末較多人，落單需要用d時間。叫左雞，豬肉串燒，味道不俗。辣肉碎沙律，生菜十分新鮮，配合辣肉碎整生菜包味道很好。小食及冷盤之後，問題出現，冬蔭功湯上台時有個爐仔熱住，睇落幾好，點知一飲發現係「暖」的，完全無湯既熱度，d湯唔熱好似有一層嘢係面咁。第一次試飲一碗好似嘆凍左既冬蔭功，成碗嘢只得大蝦係好食。之後既炒蜆都係同一個問題，味道唔錯，但都係唔熱，好似攤凍左咁。全晚最好食就係個甜品，芒果夠甜，糯米有咬口。總括嚟講，好多泰菜都好食過佢。