尚八日式燒肉店 (已結業)

之前食過一次，覺得質素都唔錯，所以過左幾個月想再黎食第二次。黎食之前，有上openrice睇睇，發現有唔少人都話質素下降左，所以都有諗過照唔照食。不過見佢搞緊promo送和牛，所以就照食了。結果係失望既⋯以往和牛油花好平均，今次大部份和牛都好一般，周不時食到筋位，咬落仲有點硬。咁多個部位，牛三角已經算油花分佈最平均，入口比較嫩。但次次黎既質素都有參差，有d仲要半舊都係脂肪。其他肉類、海鮮、熟食就一般般，過得去。食A4牛肉放題重點從來唔係呢d....個人最surprise係一人份既枝豆份量比第一次黎食多左好多，唔知以為叫左2+人份。話難食嗎？又未至於俾負評。好食嗎？和牛質素有相睇。如無意外，唔會encore，畢竟2個人食都近千$，兼且坊間選擇唔少，係時候試下其他新野。