鮑一樓 (已結業)

第一次幫襯，唔知點解被安排入房坐，3x度天氣，竟然冇冷氣，得部冷風機，坐都未坐，有個男士行過嚟（唔知係咪老闆），不停問：「要唔要食炸子雞」。我哋話唔要後，就走咗去，到後來，入嚟話last order，我哋話冇嘢要加，佢就問都冇問，即刻拎張單埋嚟叫結帳，我哋畀完錢，佢立即把冷風機關掉🥵。講番啲嘢食，味道一般，選擇唔多，唔知係咪一定要食鮑魚先可以有好嘅招呼。不過，遇到咁嘅服務，咁嘅環境，我同朋友都唔會再去幫襯。