影片
更多
2021-09-26
820 瀏覽
見呢間開咗一段時間，入面好似環境幾好，又標榜湯種麵包，價錢睇起嚟都合理，今日最終去試下。 140幾到170幾一個all day breakfast 可以接受。但係唔包基本嘅嘢飲，嘢飲單點，四十幾蚊一杯咖啡。 嚟到我嘅all day breakfast 有一條腸、一隻蛋、一堆沙律菜、一件薯餅、一小件炸魚，一隻冬菇，一件biscuits。老實講，條腸係我喺超級市場買到嘅牌子，大約幾蚊一條。 嗰嚿魚有好重嘅泥味，其他嘢都係非常之普通， 相信總成本係20蚊唔使。我屋企人要同一個餐，但係隻蛋黃竟然係穿咗佢都照送出嚟畀人。 如果我喺茶餐廳絕對唔介意，但係呢個一碟嘅all day breakfast係要150蚊！ 再講嗰杯所謂嘅手搖冰咖啡，40幾蚊半杯仔唔緊要， 但係唔知係佢嘅豆嘅問題淨係做錯做法嘅問題，好酸 亦飲唔到咖啡豆嘅香味。 重點係佢呢間店標榜手工麵包湯種麵包，點解個餐唔配一塊佢嘅signature麵包呢？ 佢畀出嚟嗰個biscuits些少牛油同cream都唔畀人，仲要係好乾！ 只可以講係一份港式西餐 ，但係四個人盛為850蚊！ 一定冇第二次了！！
張貼