大快活 (已結業)

本來我平時放假有機會既話都會食下大快活既下午茶最愛 - 雞脾紅豆冰，22蚊尚算抵食。今日番左公司做野，於是做到2點等大快活下午茶整隻雞脾咬下。叫左外賣 - 燒脾紅豆冰拎走。星期六既灣仔係無咩人的，好快買到飛。等左5分鐘，跟住拎番公司諗住慢慢食。番到公司急不及待打開，見到蜜糖唔多，色澤亦暗啞。咬落去...有無搞錯，皮唔脆，肉唔嫩，仲要有少少酸味...完全有中左伏既感覺。紅豆冰 - 正常，普通紅豆冰一杯。唔知點解可以咁差...平時去第二間分店都正常，就算唔好食都唔會話難食，但係呢間...唔知佢係咁岩咁差定係一路都咁差，希望佢會改進啦。