Tardemah (K11 Musea) (已結業)

今年年頭已去過一次，放工去,大概6點麵包差唔多賣晒，所以放棄咗。今日出開TST中午時段就過嚟睇下，款好多，packed 得好靚，每款入好袋仲有個牌仔註明係咩包😚，有中文，英文同韓文，好用心嘅設計😍，不過整體定價都高，HKD70～80都好普遍。我揀咗蒜蓉包，一個切開咗6件，HKD30, 用完八達通俾錢先見倒旁邊有個牌寫住滙豐咭有95折，太失策🤦‍♀️，一如以往返到屋企用焗爐heat 下先，蒜蓉味唔係個個啱，我鍾意就覺得好香，焗完成屋都香噴噴。包面色澤都深，咬落少少甜，脆脆地好香👍，除咗蒜蓉，香草仲有cream cheese， 不過本人就覺得cream cheese 唔算太夾，可能用其他芝士會更吸引。