糖堂私房甜品專門店

營業中

休息中

食完飯，同朋友傾到興起，於是搵糖水舖坐低繼續傾，以前記得黑布街好多甜品架，依家得返呢間，入去試吓啦。10點幾，入邊都算多人，一開始以為要等，咁啱有枱人走，所以即刻有位👍一打開menu見到木桶豆腐花，於是叫咗一個試吓，朋友叫咗心太軟。 豆腐花好快到，首先賣相麻麻地，見佢冇用蓋擒住就知道唔對路（因為我幻想嘅木桶豆腐花係擒住蓋，另外會有個計時器等15分鐘開來食嗰啲），原來佢唔係即使用石膏粉撞嗰啲，但係都唔緊要啦，好味就得。點知一食落去，一啲都唔熱，口感吾滑，而且好「鞋」。朋友叫嘅心太軟反而幾好食，流心做得好。總括而言，豆腐花真係好失望，但係心太軟加返少少分。而且老細好Nice，職員都幾有禮貌。希望佢嘅豆腐花會改善啦。