影片
更多
2012-05-17
330 瀏覽
平時星期日比較得閒啲，都會下廚同屋企人晌屋企食，不過依晚同太太都有啲事，索性同埋姨仔舅仔一齊出街食，好耐無打過冷，所以就去同區嘅樂園食吓潮州嘢。樂園晌美孚都好似好耐，一室無乜裝修，係街坊食堂，逼逼狹狹，食碗粉麵又得，鹵水打冷又得。門口明檔掛滿鹵水鵝、紅腸、墨魚、生腸及多款潮州嘢，價位唔算貴，都有幾多街坊幫襯。所有潮州嘢，一張餐牌睇晒，各款鹵水、小食、泡粥、炒蜆共40多款，點咗幾款小食，加個炒大蜆，一個鹹菜豬肚湯，再整個泡粥，咁就已經好夠數。鹵水鵝掌 $55鵝掌一向肉唔多，志在「倫」吓個鹵水味，雖則鵝掌好入味，可惜鹵水偏鹹，有啲失望，否則應該個鹵水鵝掌唔錯。蘿蔔豬皮 $25蘿蔔好腍，不過唔夠清甜，而且有渣；豬皮亦都係普通，問題在於有啲啲韌，而且份量亦好少。香腸墨魚 $50賣到$50一客，都咪話唔貴，但係墨魚唔少，同香腸有一半一半。香腸就一般，有少許肥肉，反而墨魚幾好，柔韌得嚟有墨魚味。即炒大蜆 $40大蜆果真即炒，上枱好香，豉汁幾濃香，蜆肉都鮮甜，不過空殼唔少，有啲搵笨。鹹菜豬肚湯 $48我見有啲食家寫依道係胡椒豬肚湯，相信記錯居多，店家只有一款鹹菜豬肚湯，亦係打冷鋪常見湯水，有啲店舖都
樂園晌美孚都好似好耐，一室無乜裝修，係街坊食堂，逼逼狹狹，食碗粉麵又得，鹵水打冷又得。門口明檔掛滿鹵水鵝、紅腸、墨魚、生腸及多款潮州嘢，價位唔算貴，都有幾多街坊幫襯。
所有潮州嘢，一張餐牌睇晒，各款鹵水、小食、泡粥、炒蜆共40多款，點咗幾款小食，加個炒大蜆，一個鹹菜豬肚湯，再整個泡粥，咁就已經好夠數。
鹵水鵝掌 $55鵝掌一向肉唔多，志在「倫」吓個鹵水味，雖則鵝掌好入味，可惜鹵水偏鹹，有啲失望，否則應該個鹵水鵝掌唔錯。
蘿蔔豬皮 $25蘿蔔好腍，不過唔夠清甜，而且有渣；豬皮亦都係普通，問題在於有啲啲韌，而且份量亦好少。
香腸墨魚 $50賣到$50一客，都咪話唔貴，但係墨魚唔少，同香腸有一半一半。香腸就一般，有少許肥肉，反而墨魚幾好，柔韌得嚟有墨魚味。
即炒大蜆 $40大蜆果真即炒，上枱好香，豉汁幾濃香，蜆肉都鮮甜，不過空殼唔少，有啲搵笨。
鹹菜豬肚湯 $48我見有啲食家寫依道係胡椒豬肚湯，相信記錯居多，店家只有一款鹹菜豬肚湯，亦係打冷鋪常見湯水，有啲店舖都有鹹菜胡椒豬肚湯或胡椒豬肚湯，上次晌增煇試過佢個胡椒豬肚湯，確係幾正。今餐個鹹菜豬肚湯，鹹鹹酸酸，天熱飲幾醒謂，鹹酸菜多到不得了，豬肚就偏少，得嗰幾舊。整體個湯水都OK，但我嘅老婆一飲就知佢落咗味精，要扣分。
方魚蠔仔粥 $60潮州粥一向都幾有特色，又似粥，又似飯。方魚蠔仔粥，方魚碎碎好鬼少，蠔仔就意外地有幾多，加埋少少肉碎，像湯飯般，加上個湯底有少少魚鮮味，算為成晚拉番啲分。
今餐食咗唔少嘢，食完有啲失落，對樂園真係有啲失望，據知佢都係依區打冷老字號，咁耐都唔執應該有一定食力，莫非越做越差？屋企人同聲話唔會再嚟喎！唉，我都有同感。張貼
