東海薈 (HomeSquare)

營業中

休息中

已經是過了午飯時段，門口的海報宣傳下午茶。好耐冇飲茶，就進去吧！這裡的樓底比較矮，D聲音被困，覺得環境比較嘈。開了茶，伴隨一小碟花生。點了素鵝拼叉燒，素鵝炸得頗油膩，叉燒樣子味道都唔多靚仔，唔係有檔次食肆嘅水平。頭抽銀芽炒麵，呢個熱辣辣香噴噴，不過份量大概是正常嘅一半。（售價$68，哈哈！）牛肉腸粉，D芫茜幾香，不過腸粉完全唔合格，好厚、冇層次，一pat嘢，真係好耐冇食到咁嘅水準嘅腸粉。覺得唔夠飽，追加鹵水牛展，等咗好耐，不見上菜，向阿姐追問，原來冇落單！不要浪費時間，直接去櫃面埋單。東海薈以前有好幾家分店，用餐後的印象都不錯，今天這頓下午茶，算一鋪清袋了。