釜之魂釜飯專門店 (淘大商場) (已結業)

趁住假日同媽媽黎到九龍灣行宜家傢私，添置返d新家具，順道黎試下新開無耐既釜之魂釜飯專門店。釜之魂主要係食釜飯為主，而釜飯同丼都係由日本引入，感覺上有點像煲仔飯，釜之魂淘大商場3期地下，見到大大條既金色鰻魚就對了。因為純粹想過下口癮，所以唔叫得好多。金魂 $118金魂、銀魂係釜之魂既主打，我叫既係金魂，兩款同樣以鰻魚為主角，分別在於煮法，我叫既金魂係以常用既鰻魚汁醬燒，再配以飯底同埋雜菜。鰻魚都唔差，肉都厚身，味道就不過不失吧，但整體黎講味道有點太淡味，味覺無咩太大既沖擊，就有點像蒸飯吧，個人就不太喜歡。吉列牛舌 $18吉列牛舌感覺幾特別，外面炸得多脆既，牛舌都幾大件，但肉質就稍為硬左小小。總括黎講係有點失望，似乎唔係我鐘意既菜式，但價錢都可接受既，又不算太貴。