影片
更多
2010-08-08
17 瀏覽
估唔到第一篇食評會俾左呢間野, 不過實在係不吐不快 瞓醒肚餓極, 知道美孚街市附近開了兩間新野, 一間日本野, 另一間則是小越南, 本來想試日本野的, 但由於要等位, 所以去了隔離不用等位的呢間....坐底叫完野, 看見隔離檯吃的正是我剛叫的咖哩牛腩飯, 憑外表已知唔對路, 點解舊牛腩咁似煲完湯的瘦肉? 個咖哩汁亦好稀, 好似同牛腩唔係朋友咁, 唔通係燜完d牛腩再淋d咖哩汁上去就算? 想多無謂, 試下先算吧....等左好耐, d野都未黎, 無無聊聊周圍望, 鋪仔細細, 樓面有5個侍應, 應該不會人手不夠的, 但廚房每次出單都隔好耐, 心裡又想: 應該係因為新鋪的關係, d人未熟習運作啫...因此, 即管好肚餓, 但都耐心等待我的咖哩牛腩飯....餐飲叫了熱奶茶, 熱咖啡, 等左好耐, 是最先上的, 侍應係個妹妹仔, 但勁唔熟手(感覺好似初初出黎做野一樣) 看見她捧住4杯奶茶手震震, 我真係好驚佢會倒瀉, 上餐飲時要成個盤放上檯, 再慢慢把飲品移到檯上, 不知為什麼, 不安的感覺漸漸湧上黎...呷了一啖, 奶茶只是暖暖地.......最先到的是男友的生牛肉河, 呷了一啖湯, 淡淡地, 無
瞓醒肚餓極, 知道美孚街市附近開了兩間新野, 一間日本野, 另一間則是小越南, 本來想試日本野的, 但由於要等位, 所以去了隔離不用等位的呢間....
坐底叫完野, 看見隔離檯吃的正是我剛叫的咖哩牛腩飯, 憑外表已知唔對路, 點解舊牛腩咁似煲完湯的瘦肉? 個咖哩汁亦好稀, 好似同牛腩唔係朋友咁, 唔通係燜完d牛腩再淋d咖哩汁上去就算? 想多無謂, 試下先算吧....
等左好耐, d野都未黎, 無無聊聊周圍望, 鋪仔細細, 樓面有5個侍應, 應該不會人手不夠的, 但廚房每次出單都隔好耐, 心裡又想: 應該係因為新鋪的關係, d人未熟習運作啫...因此, 即管好肚餓, 但都耐心等待我的咖哩牛腩飯....
餐飲叫了熱奶茶, 熱咖啡, 等左好耐, 是最先上的, 侍應係個妹妹仔, 但勁唔熟手(感覺好似初初出黎做野一樣) 看見她捧住4杯奶茶手震震, 我真係好驚佢會倒瀉, 上餐飲時要成個盤放上檯, 再慢慢把飲品移到檯上, 不知為什麼, 不安的感覺漸漸湧上黎...呷了一啖, 奶茶只是暖暖地.......
最先到的是男友的生牛肉河, 呷了一啖湯, 淡淡地, 無乜味, 偷了舊牛肉, 除了有少少"鞋", 都無乜野, 來不及偷河粉的時候, 我的咖哩牛腩飯到送到了, 亦即代表地獄之旅開始了.....
整碟咖哩, 一睇已知唔對路, 除左炸到巢曬皮同啡啡地嘅兩舊薯仔, 3舊瘦過雞胸的牛腩, 剩下仲有一塊青瓜同一塊蕃茄伴碟...單看賣相, 心已經一沉, 但既然坐底了, 總要食吧~薯仔一入口已經lur出黎了, 除左食到好大浸萬年油味之外, 連咖哩味亦欠奉, 好明顯, 兩樣野係啱啱撈埋一齊的, 牛腩更不用多說了, 果然係煲左幾次湯嘅瘦肉, 我甚至懷疑係咪假肉黎架?? 點解我從來未食過咁樣嘅牛腩...好驚...整碟飯, 無一樣係可取的, 連個飯都好難食, 太硬不單止, 一d米香都無..加埋隻碟上未抺乾嘅水, 真係食到我面容扭曲.
男友見我食到咁, 提議調轉食吧, 生牛肉河難食極都有個譜, 由於太肚餓, 加上對面前的飯實在感到反胃, 所以答應了, 但調轉之前, 我都再三叮囑他要小心....
好想快d離開呢個鬼地方, 所以食完九秒九埋單想走, 點知張單都等左好耐, 此時, 看見門外正想入黎食飯的人, 我真想化身為正義之士打救佢哋, 但我可惜張單未到, 佢哋已經踏入地獄之門, 我只好為佢哋祈禱....
今餐, 應該會係我今年最難食的一餐吧....
張貼