影片
更多
2007-01-09
14 瀏覽
8 DEC 2007 ~ 9點幾倒係荃灣食完上海野後, 急急腳同老公飛車趕住下一ROUND, 就係就快結束營業既"樂群茶餐廳" ~聽呢度食家講, 話奶茶、咖哩牛腩飯、荷葉飯、港式豬扒包、紅荳冰、曲奇餅、蛋糕仔、拿破倫等等, 都好好食, 講到非試不可, 唔試必後悔咁話WOR...老公以極快速度渣車黎到門口, 我即刻上前睇睇仲有咩食, 款式唔算好多, 因可能夜既關係, 我同老公商量完一大輪後, 就要左以下....類似紙包蛋糕物體, 面有白色一粒粒, 5個-$15 (老公既)曲奇餅, 1包-$12 (我既)蛋卷, 8件-$24 (我既)拿破倫, 1件-$3, 後尾老公睇倒, 買1件SHARE試下好唔好食先紙包蛋糕AND蛋卷= 老公、我、同埋各兩家屋企人食後都有同一答案, 超軟熟, 好有蛋味, 一打開未食已經聞倒勁有蛋卷香味, 食1件都飽飽地, 依家已經所剩無幾, 只係一日就掃清, 未食過咁好食, 掂掂掂!!!曲奇餅= 我幾鐘意食架^O^, 抵!脆!大!香!拿破倫= 一向唔會試新野既我, 今次竟將我既第一次比左件拿破倫, OH YES!!! 我同老公都話好味到爆燈, 個酥面好好食, 再加埋裏面
係荃灣食完上海野後, 急急腳同老公飛車趕住下一ROUND, 就係就快結束營業既"樂群茶餐廳" ~
聽呢度食家講, 話奶茶、咖哩牛腩飯、荷葉飯、港式豬扒包、紅荳冰、曲奇餅、蛋糕仔、拿破倫等等, 都好好食, 講到非試不可, 唔試必後悔咁話WOR...
老公以極快速度渣車黎到門口, 我即刻上前睇睇仲有咩食, 款式唔算好多, 因可能夜既關係, 我同老公商量完一大輪後, 就要左以下....
[1]類似紙包蛋糕物體, 面有白色一粒粒, 5個-$15 (老公既)
[2]曲奇餅, 1包-$12 (我既)
[3]蛋卷, 8件-$24 (我既)
[4]拿破倫, 1件-$3, 後尾老公睇倒, 買1件SHARE試下好唔好食先
紙包蛋糕AND蛋卷= 老公、我、同埋各兩家屋企人食後都有同一答案, 超軟熟, 好有蛋味, 一打開未食已經聞倒勁有蛋卷香味, 食1件都飽飽地, 依家已經所剩無幾, 只係一日就掃清, 未食過咁好食, 掂掂掂!!!
曲奇餅= 我幾鐘意食架^O^, 抵!脆!大!香!
拿破倫= 一向唔會試新野既我, 今次竟將我既第一次比左件拿破倫, OH YES!!! 我同老公都話好味到爆燈, 個酥面好好食, 再加埋裏面d忌廉同其他配料, 食落唔太甜, 甜度適中ARM ARM好, VERY GOOD!!!
我地已經約左, 呢兩日再去食過, 不過係會坐低食, 試試其他炒粉麵飯AND飲品既味道, 希望唔會令我失望啦!!! ^^"
張貼