氷舍

營業中

休息中

之前路過銅鑼灣見到有間新開嘅甜品店叫「Icegreen 氷舍」主要係食冰🍧😍，我就試咗兩款甜品。一款係D24榴槤飄香刨氷，另一款係石榴王炒氷。講真！兩款我都唔like😓。先講D24榴槤飄香刨氷，榴槤肉味道濃郁，不過佢嘅刨冰係用水做完全冇味，所以非常倚靠榴槤肉嘅甜味，如果你嗰一啖冰冇榴槤肉一齊食⋯⋯咁就只會得水味💧另外碗榴槤冰裏面會仲有鮮奶麻糬，開頭會覺得幾新奇，當你食一啖冰一啖麻糬之後，就會知道兩者非常之唔夾！因為當你食冰嘅溫度係冰凍嘅，就算你個麻糬都係凍，但係點都唔會夠冰凍，所以瞬間好似食咗啲暖嘅嘢咁，再加上麻糬嘅質地、嗰個溫度，就好似一舊痰😨而且嗰一啖麻糬會冇晒味道😑勁淡⋯⋯另外一碗石榴王炒氷，佢嘅刨冰就唔同，佢係全部冰都係石榴味，但係就唔夠好味，不過起碼唔會冇味囉！佢同樣都係有加到鮮奶麻糬，所以個問題一樣。