嘉發麵包小食 (已結業)

講到元朗嘅雞蛋仔同夾餅，依家叫做比較多人食嘅都係元朗廣場側嘅多寶，康景街附近嘅車仔檔，同埋今日初嘗嘅嘉發。事關今日突然想飲夏茶，就決定試埋隔離鋪呢間嘉發小食，估唔到有驚喜！先講價錢，雞蛋仔$13，夾餅$15，合理啦唔算好貴，始終依家出街食嘢有一半係用黎幫手俾貴租！雞蛋仔皮脆，食落煙韌，絕對唔會好似食空氣咁。至於夾餅，應該係花生醬加煉奶，唔肯定有無落砂糖，食落好似有。夾餅（或者有人叫格仔餅）有啲小食店就會係軟身，食落似pancake，但係嘉發嘅夾餅皮係比較脆，料又夠！好邪惡，好想食多件！