影片
更多
2016-07-23
2752 瀏覽
假日同肥髀在赤柱閒逛，呢間西餐廳地點唔顯腿，一向都想試，今日去到門口，見啲食物ok,又有兒童餐，入去已經爆場，8成係外國人！地方細，樓底唔高，桌椅幾迫，所以幾嘈雜，歐式裝修，花布梳化籐椅，昏黃燈光，偏向悠閒感覺，店員叫我等一下，5分鐘後比到靠牆2人枱我，先上杯有檸檬味嘅凍水！食物要耐心等待！麵包：用中式竹籠上，兩件白法包，兩件麥法包，外脆內軟！好味！店員仲問使唔使添加！墨西哥南瓜蘑菇山羊芝士香腸薄餅（$120）賣相幾靚，薄餅乾身有咬口，中間嘅餡料切得大塊，南瓜香甜有咬口，蘑菇爽口，香腸片濃味比較韌！有𡁻口！好似食豬肉乾，羊奶芝士比較濃味！撈咗微辣嘅調味料！惹味！拌碟油醋汁沙律酸酸的開胃！兒童餐火腿奄列加薯條（$55）奄列賣相好差，燶晒又唔係半月形，岩岩參參咁，入面完全無蛋汁，蛋有燶味，入面火腿好乾，唔合格！薯條新鮮炸起好熱，外脆內軟，粗身薯味濃好味！濃朱古力蛋糕配呍呢嗱雪榚（$60）朱古力蛋榚好濃，帶甘味，呍呢嗱雪榚有呍呢嗱籽，好香滑，好濃牛奶味凍檸茶（$29）茶底唔濃，味道清爽！最緊要夠凍咖啡（$32）House Coffee,味道好濃，熱氣一谷出來，咖啡味好濃！配埋有兩塊小曲奇，鬆
今日去到門口，見啲食物ok,又有兒童餐，入去已經爆場，8成係外國人！地方細，樓底唔高，桌椅幾迫，所以幾嘈雜，歐式裝修，花布梳化籐椅，
昏黃燈光，偏向悠閒感覺，店員叫我等一下，5分鐘後比到靠牆2人枱我，先上杯有檸檬味嘅凍水！食物要耐心等待！
麵包：用中式竹籠上，兩件白法包，兩件麥法包，外脆內軟！好味！店員仲問使唔使添加！
墨西哥南瓜蘑菇山羊芝士香腸薄餅（$120）賣相幾靚，薄餅乾身有咬口，中間嘅餡料切得大塊，南瓜香甜有咬口，蘑菇爽口，香腸片濃味比較韌！有𡁻口！好似食豬肉乾，羊奶芝士比較濃味！撈咗微辣嘅調味料！惹味！拌碟油醋汁沙律酸酸的開胃！兒童餐
火腿奄列加薯條（$55）奄列賣相好差，燶晒又唔係半月形，岩岩參參咁，入面完全無蛋汁，蛋有燶味，入面火腿好乾，唔合格！薯條新鮮炸起好熱，外脆內軟，粗身薯味濃好味！
濃朱古力蛋糕配呍呢嗱雪榚（$60）朱古力蛋榚好濃，帶甘味，呍呢嗱雪榚有呍呢嗱籽，好香滑，好濃牛奶味
凍檸茶（$29）茶底唔濃，味道清爽！最緊要夠凍
咖啡（$32）House Coffee,味道好濃，熱氣一谷出來，咖啡味好濃！配埋有兩塊小曲奇，鬆脆兼牛油味幾香，好味！店員好忙，有禮有笑容，尤其一個四眼肥叔叔！出入都會同客人打招呼！
加一$325.6
廚房嘅奄列要改善！
張貼
