神戶北之板

營業中

休息中

放假日下午三點幾黎到太古城地下foodcourt，都仲係有好多人，不過我一個人就比較容易找位，不久前係呢度食過芝士焗長通粉係唔錯的，今次就要左個咖哩豬扒奄列飯套餐（單叫要三十七蚊），四十二蚊包野飲、沙律同忌廉湯。先講忌廉湯，稍縑「杰」左少少，唔夠滑；凍檸檬茶一般茶記水準，唔夠甜。至於個奄列飯都算係份量十足，蛋夠滑，飯亦夠香，幾適合配埋咖哩汁一齊食，屬於水準之作。不過吉列豬扒就比較失色，肉質唔夠鬆脆，比較淋同埋乾身，豬扒個麵衣同肉一夾就分開，要扣分。奄列飯值得推薦，不過下次黎應該唔會叫豬扒了。