大叻越南牛肉粉餐廳 (蘭杜街) (已搬遷) 新店位置

端午節灣仔區好多餐廳都唔開,想食過下午茶都難。見到有越南餐廳仲有下午茶,加上差不多full house,應該唔係伏。環境長方枱加上D位超窄,真是坐過少少都會撞到。廁所仲搞笑要我自己推開擺貨盒先入到去,香港真是寸金尺土!!!!越南特色牆上唔少污穢食物:下午茶都有唔少選擇香茅豬扒飯奇快,不消2分鐘個飯已經到。非常,非常乾,雖然都有大約十條左右.不過真是鹹同乾,飯上面D葱油都是超鹹。椰汁紅豆冰普普通通,椰汁味唔夠。番茄牛楠湯河又是超濃郁的番茄味,加上有少少辣,幾過引。不過友人飮多兩啖都覺鹹,牛楠都算林,不過唔夠入味。豬頸肉撈檬竟然要等15分鐘,慢工出細貨。豬頸肉似是剛剛燒起仲有餘温。我試了ㄧ塊都非常juicy,檬粉份量都好多價錢40到50元左右,有特飲,價錢相宜。總結味道如果可以唔太鹹,都值得ㄧ試。