甜品工房 (已結業)

可能因為尖沙咀租貴客人多，佢規定左人均消費最少$40即係如果兩個人去食，而你又想食基本簡單甜品($30左右)，你朋友就要叫過貴既配合返。。。講返野食。。見到有期間限定榴槤綿綿冰，好似幾特別，就叫黎試下。點知勁中伏第一：綿綿冰一D都唔綿。係偏實身既第二：配料（不是自選的）菠蘿同榴槤唔多夾，好奇怪第三：榴槤味好假，頭一兩啖覺得係少少榴槤加好多好多水，榴槤味好薄弱。但After taste 就有陣怪味，我唔識形容，不過朋友話似膠味。。。就係咁，大約五六啖之後，就無人問津。。因為個碟太淺，怕溶左之後會流出黎，所以就叫侍應幫手收左佢，佢望一望果碟基本上無食過既甜品"哦"左一聲就收好左。身為挑剔又奄尖既港女，果刻真係有少少失望，如果果侍應會主動問多句係咪唔岩食，甚至offer我揀過第二樣，成件就完美解決，而且加分不少。