Mashi No Mashi

營業中

休息中

12:05去到，有一堆人喺門口部機自助落緊單，咁我哋兩個人就喺門口外面熱住等，等到得返兩個人落緊單，我就企入去佢哋後面等順便涼冷氣，佢哋落完我就㩒下部機睇下個menu，個waiter話啱啱滿座，叫我有位先落單，叫我哋出去門口外面等，我問佢可唔可以企喺入面等，佢話答:「No!!」明明得我哋兩個人等位，明明佢門口大把空間企，出面三十幾度，所以我無諗過佢會咁強硬答No又無解釋原因，而且佢一早見到我哋，但佢睇住我哋等咗咁耐，一路用紙巾抹汗，所有人落哂單先同我哋講裡面滿座。唔通想我哋製造排隊效果吸引出面路人入嚟？但呢度咁偏僻係唔會有路人吖，我覺得好奇怪，而且D態度唔似對客人，覺得佢似明星嘅保鏢驅趕人走，所以結果就去咗其他餐廳。打呢個食評係因為希望第一次去嘅人有個心理準備，有機會遇到咁樣嘅等位安排，唔好好似我哋咁掃興，因為銅鑼灣有非常多選擇。