caffè HABITŪ the table (已結業)

又一城係食飯時段梗係好多人，想食一啲唔太貴又唔洗等好耐既野食所以揀左呢間。叫左個早餐同一個心太軟，係晚餐時候食早餐好開心。個早餐啲蘑菇燶燶地幾好味。四塊厚切既面包要盡快食因為唔食凍左會變硬，配埋牛油同士多啤利果醬好好味。蛋可以接受，可以加多小小忌廉去炒會更滑。蕃茄新鮮最愛茄汁豆豆，整體黎講唔錯唔錯，但如果一個人食係會食唔哂。到心太軟，睇menu既時候對佢期望好高，可能因為期望太高，上枱後真係好失望。一上枱就係咁既樣，如上圖所示，個雲利拿雪糕溶左一大半。心太軟唔係要自己介開佢睇佢中間啲朱古力慢慢流出黎先開心架咩，一用匙跟筆落去，雪糕同下面啲醬溶為一體，原來蛋糕既成份只係得面頭既2 cm下面係一大灘朱古力醬。初時仲諗住佢呢個失左手，問侍應，佢話係咁架。即係我筆三淡食完個面個啲2 cm咁厚既蛋糕然後我要飲個啲朱古力醬。勁奇怪！