影片
更多
2009-06-07
7 瀏覽
其實今次入去食野係有d烏龍之下造成，因為朋友本來係想去試意房菜，但因為睇錯左個類似招牌就入左去喇~雖然係下午茶時間，入面都係坐左三分一0既位咋~我叫左照燒豚肉炒年糕+熱珍珠奶茶，朋友叫左咩咩咖哩雞扒鐵板+凍檸茶，我地發現成間餐廳都係得一個waiter+一個waitress0係門外招客，唔知廚房情況又係點呢?因為我地都等左超過15分鐘先有得食，而我杯珍珠奶茶更加等左25分鐘先黎添朋友個咖哩我冇食，因為我唔食辣，朋友淨係話好鹹，而我個炒年糕都一樣係好鹹，朋友笑笑口話：「可能佢地d鹽唔駛錢任落」d豚肉除左好鹹外仲好鞋，應該係過熟喇而d年糕就幾煙韌，同埋有d椰菜食下都算營養幾均衡，anyway，我今次寫0既重點係我杯奇怪0既珍珠奶茶點解我會覺得奇怪呢?首先，杯奶茶上檯時，waiter係俾左兩包糖我，我問：「乜珍珠奶茶唔係已經夠甜架咩?」waiter話：「um...我地呢度係自己落糖0既~」我就用匙更試左啖，嘩~真係冇甜味wo~而且，連珍珠奶茶味都冇乜添但點解個顏色可以咁深0既?究竟係用咩茶粉沖0既呢?因為我見唔到呢度有攪奶茶0既機……同埋d珍珠黐埋一pat，我用匙更分開佢地，食左一粒，味道好奇
雖然係下午茶時間，入面都係坐左三分一0既位咋~我叫左照燒豚肉炒年糕+熱珍珠奶茶，朋友叫左咩咩咖哩雞扒鐵板+凍檸茶，我地發現成間餐廳都係得一個waiter+一個waitress0係門外招客，唔知廚房情況又係點呢?因為我地都等左超過15分鐘先有得食，而我杯珍珠奶茶更加等左25分鐘先黎添
朋友個咖哩我冇食，因為我唔食辣，朋友淨係話好鹹，而我個炒年糕都一樣係好鹹，朋友笑笑口話：「可能佢地d鹽唔駛錢任落」d豚肉除左好鹹外仲好鞋，應該係過熟喇而d年糕就幾煙韌，同埋有d椰菜食下都算營養幾均衡，anyway，我今次寫0既重點係我杯奇怪0既珍珠奶茶
點解我會覺得奇怪呢?首先，杯奶茶上檯時，waiter係俾左兩包糖我，我問：「乜珍珠奶茶唔係已經夠甜架咩?」waiter話：「um...我地呢度係自己落糖0既~」我就用匙更試左啖，嘩~真係冇甜味wo~而且，連珍珠奶茶味都冇乜添但點解個顏色可以咁深0既?究竟係用咩茶粉沖0既呢?因為我見唔到呢度有攪奶茶0既機……同埋d珍珠黐埋一pat，我用匙更分開佢地，食左一粒，味道好奇怪，仲有係好腍，一d都唔夠煙韌，我飲左一半就放棄左，雖然其實已經唔係咁大杯，尤其比起大大杯0既凍飲黎講就係蝕左啦
當朋友出左門口發現原來入左意日菜而唔係意房菜就忍唔住問門口個waitress點解檯面張紙又印住意房菜?原來兩間係同一個集團架終於真相大白，同埋朋友對試唔試意房菜有左保留喇
張貼
