影片
更多
2014-08-11
4309 瀏覽
今日跟兩個老朋友聚舊, 其中一個朋友說知道最近山林道新開了一間雞煲.見到Open Rice中的食評都唔錯, 所以就黎到一試。我們有預先訂檯, 所以不用等位就直接入座了.聽說此店開了一個多月, 上到去見到都坐到幾滿.先睇睇點餐紙~平時食雞煲都只係揀"要幾辣"同"一隻/半隻雞".今次要認真睇睇, 因為除左平時出面食開果類雞煲之外,佢仲有2款出面我無咩見過嘅雞煲: 椰子雞煲 同 冬瓜粥鍋 .我地最後揀左半隻椰子雞煲.等左一陣, 椰子湯底同雞都黎到喇!兩樣野係分開上嘅. 店員同我地講要先煲滾椰子湯底後,再把雞隻放入椰子湯底內, 等待雞隻和椰子湯底再一次滾起後,關火焗10分鐘後就可以享用雞隻了! 嘉美雞 - 說實話我沒有認真留意｢嘉美雞｣有什麼特別, 反而見到雞隻上大量的杞子和嗅碟上的酒香已經覺得好像很不錯呢...(先賣關子, 哈哈!) 椰子湯底 - 一樣地, 佢個椰子湯底一黎到已經有淡淡嘅椰子味, 而且亦都有椰子肉在煲內, 就咁望落去好清好Fresh咁, 再加上佢水滾之後飄出黎的椰子味超香...呢個等待嘅過程真係一個好大嘅煎熬~_~"加左雞同杞子後, 又要再等一下唷...再大
見到Open Rice中的食評都唔錯, 所以就黎到一試。
我們有預先訂檯, 所以不用等位就直接入座了.
聽說此店開了一個多月, 上到去見到都坐到幾滿.
先睇睇點餐紙~
平時食雞煲都只係揀"要幾辣"同"一隻/半隻雞".今次要認真睇睇, 因為除左平時出面食開果類雞煲之外,
佢仲有2款出面我無咩見過嘅雞煲:
椰子雞煲 同
冬瓜粥鍋 .
我地最後揀左半隻椰子雞煲.
等左一陣, 椰子湯底同雞都黎到喇!
兩樣野係分開上嘅. 店員同我地講要先煲滾椰子湯底後,
再把雞隻放入椰子湯底內, 等待雞隻和椰子湯底再一次滾起後,
關火焗10分鐘後就可以享用雞隻了!
嘉美雞 - 說實話我沒有認真留意｢嘉美雞｣有什麼特別, 反而見到雞隻上大量的杞子和嗅碟上的酒香已經覺得好像很不錯呢...(先賣關子, 哈哈!)
椰子湯底 - 一樣地, 佢個椰子湯底一黎到已經有淡淡嘅椰子味, 而且亦都有椰子肉在煲內, 就咁望落去好清好Fresh咁, 再加上佢水滾之後飄出黎的椰子味超香...呢個等待嘅過程真係一個好大嘅煎熬~_~"
加左雞同杞子後, 又要再等一下唷...
再大滾等10分鐘就開動喇! 就好似平時食雞煲一樣, 先吃掉雞隻, 到真係食嘅時候就感覺到呢度D雞好鮮甜嘅雞味! 再加上唔係平時好濃味的雞煲, 配上椰子湯的香味, 可以好清新地吃到鮮嫩的雞味! 至於滑度我覺得可以, 它不算是超級滑的那種 (中肯一點, 有機會係因為我地驚D雞未夠熟所以我地比店員建議我們煮雞的時間煮耐了一點點 ) , 但絕對是不｢鞋｣的。建議大家可以在吃雞時試下個湯, 好好飲架!
之後就到火鍋配料喇. 鬼馬油炸鬼 係油炸鬼入面釀入蝦滑, 可以就咁食, 蝦滑的蝦味好出, 不過我就略嫌唔夠熱~
韭菜餃 - 一上檯我地都覺得好大隻! 入面真係有好多韭菜, 味道好新鮮, 滾左一段時間都唔易爛之餘個皮又唔厚喎...如果中意食韭菜嘅朋友仔, 呢個highly recommend!響鈴 - 我自己都係想過下口癮食炸野, 味道不過不失.
四寶丸 - 分別係牛丸、蝦丸、墨魚丸及鯪魚丸. 四款入面我試左三款 (因為個人不好鯪魚丸).
三款都食得出係手打丸來的. 最喜歡的是牛丸, 因為係手打關係, 個質感同味道都好有牛味, 同埋都好juicy. 至於蝦丸同墨魚丸都係落足真材實料, 我朋友還在蝦丸中見到真係有"蝦"呢!! 所以都食到佢地嘅鮮味.
手切本地肥牛 - 呢個都係必食ITEM! 店員同我地講呢個只係滾4秒就好拎上黎食...(當然我地又滾多左｢少少｣時間... ) 個牛肉算係厚切的那種, 色澤唔錯, 脂肪分佈也算平均. 入口牛味很濃郁, 肉質都唔錯, 我覺得呢個價位食呢個牛肉都幾抵!另外菜類我們點了白蘿蔔和娃娃菜. 白蘿蔔 在一開始放雞的時候就一次過下鍋, 好讓蘿蔔的鮮甜加到椰子湯中. 吃的時候蘿蔔夠軟身, 沒有渣和很甜. 可以一叫的食物. 娃娃菜 就在吃到尾聲的時候下鍋, 好讓菜吸收了鮮甜的湯而變得更好吃.
最後要講下呢枝Apple cider. 本身好中意飲呢樣野, 但係唔識呢個牌子嘅Applecider, 佢有2隻口味, 一隻叫Gold一隻叫Honey.我試果隻係Honey, 味道會偏甜, 好易入口. 另外朋友都叫左一支Gold黎試試, 呢枝就酒香味出D~ 其實2隻都好味. 不過個人中意honey多少少.
總括黎講, 我覺得個椰子湯底真係好正, 火鍋配料都唔馬虎, 是一間值得一試的食店.下次有機會要試埋其他嘅煲/鍋
題外話/補充資料：
睇openrice見到話每檯都有phone charger的位置. 好貼心的服務, 岩哂依加｢機不離手｣嘅年青人!
(以上食評乃用戶個人意見 , 並不代表OpenRice之觀點。)
張貼
