咕嚕咕嚕 (已結業)

話說前排太子開咗間雞翼舖，其中朱古力雞翼好似幾過癮，初時係抱住打大佬嘅獵奇心態試，但食落比想像中正常而且個味仲唔差，意外地好味😮 其實佢係抹茶朱古力焦糖雞翼，抹茶味就唔係好見影，而朱古力焦糖甜甜地有啲似BBQ燒雞翼，只不過唔係搽蜜糖而係搽朱古力😂另外柚子白味噌雞翼就以柚子做主調，鐘意柚子味嘅呢個一定會啱食，而我呢啲鐘意試新奇嘢嘅就覺得如果個味噌味重返啲會開心啲😌 其實佢仲有個叻沙麻辣雞翼，見到叻沙同香茅兩個詞超吸引，但有麻辣就唔敢試😂另外試咗佢地個新出芋圓，其中有個湯底係用媽媽工房嘅冰糖燉檸檬，係人手自家製嘅健康品牌，初時以為會好甜又好酸，但原來個味係好柔和，由其係而家天氣乾燥個喉嚨成日痕痕地飲完即刻舒服哂，再加上呢度仲會加埋桂花落去，陣花味超重好正✨當然自家製嘅三色芋圓就有質素，軟軟地煙煙韌韌咁，我唔係好食芋圓嘅都覺得幾好食✨ 話說其實會唔會有人發明好似粒粒雪糕咁嘅粒粒芋圓呢？我覺得細細粒應該會好過癮😂三色薯條包括薯仔/蕃薯/紫薯，聽聞你店家每日手切超花心機，比起坊間成貨更加厚身實在，食落脆得嚟又唔會硬，沾醬仲可以揀黑松露同蛋黃醬，個蛋黃醬堅係邪惡，不過我呢啲gas味fans當然係鐘