影片
更多
2009-05-15
1014 瀏覽
見人人都話D蛋糕好食，仲有蝴蝶酥潻...整個星期都好忙好多嘢做，就獎勵一吓自己，喺last working day of the week諗住買D甜點食吓... lunch time已經打電話去問吓有無蝴蝶酥，因為聽人講要預留，店員都好nice，而我都好彩可以留到兩包！諗諗吓，還掂都要專程去，不如對自己再好D啦，要D cake試吓都好喎，就係咁，我留埋fresh fruit cream horn，tiramisu同埋chocolate truffle...其實我仲想要埋blueberry cheese架，但係我真係無辦法食咁多，唯有留返下次啦！首先食嘅係horn，人人都話好食，連店員都話超好食...但係我諗因為我買完之後行咗好耐先返屋企，所以一冷一熱之下，變"淋"咗，一D都唔脆但係味道係幾好架，我諗即買即食係非常good的!第二日，開包蝴蝶酥試吓先，我本身就對呢樣食品無咩特別喜好，只係抱住試吓係咪真係咁好食心態，原來真係好唔錯，好鬆脆，唔會過甜，係會令人不知不覺一次食好多件果D，我第一次食咗四件先停口！到夜晚，點都要食埋D蛋糕啦，首先食tiramisu，我覺得係有水準嘅，不過未係我食過
整個星期都好忙好多嘢做，就獎勵一吓自己，喺last working day of the week諗住買D甜點食吓... lunch time已經打電話去問吓有無蝴蝶酥，因為聽人講要預留，店員都好nice，而我都好彩可以留到兩包！諗諗吓，還掂都要專程去，不如對自己再好D啦，要D cake試吓都好喎，就係咁，我留埋fresh fruit cream horn，tiramisu同埋chocolate truffle...其實我仲想要埋blueberry cheese架，但係我真係無辦法食咁多，唯有留返下次啦！
首先食嘅係horn，人人都話好食，連店員都話超好食...但係我諗因為我買完之後行咗好耐先返屋企，所以一冷一熱之下，變"淋"咗，一D都唔脆但係味道係幾好架，我諗即買即食係非常good的!
第二日，開包蝴蝶酥試吓先，我本身就對呢樣食品無咩特別喜好，只係抱住試吓係咪真係咁好食心態，原來真係好唔錯，好鬆脆，唔會過甜，係會令人不知不覺一次食好多件果D，我第一次食咗四件先停口！
到夜晚，點都要食埋D蛋糕啦，首先食tiramisu，我覺得係有水準嘅，不過未係我食過最好的，所以感覺一般，因為我比較鍾意酒味重D，同埋濕D嘅tiramisu！再食人人話好嘅chocolate truffle，我本身並不是chocolate lover，所以平時係唔會揀朱古力嘅甜品，呢個chocolate truffle無我expect中咁好，幸好朱古力味夠濃，而且唔太甜搭夠，所以我都食晒，不過就未必會再有下次(問題係我本身唔好朱古力啫)！
下次嘅目標係blueberry cheese cake 睇吓幾時再獎勵自己先！
張貼
