御名園 (已結業)

經過#御名園，見佢餐牌都唔錯，又好抵食咁，於是便進入開餐啦。酒樓燈光明亮，而且乾淨寬敞。茶壺跟餐具都有別其他酒樓，感覺唔錯又特別。點了晚市套餐C，有#清蒸海花班，條魚唔鞋好滑溜，趁熱食一流。#海生蝦，煮法選了頭抽生煎，蝦🦐食落新鮮，豉油汁入晒味，美味🥳。#燒鵝，燒鵝層皮很薄，肉很嫩滑，亦都唔覺太油膩，點埋酸梅醬更惹味。另外還散叫了#蠔皇六頭鮑魚 冬菇、鮑魚炆得好入味，鮑魚煙韌有彈性，冬菇十分厚肉，好味又抵食😋。#金蒜浸菜苗上湯鮮甜，菜苗新鮮翠綠，都好大碟，夠晒份量。#甜品點了#桃膠西施杏仁茶桃膠其實冇咩味，勝在杏仁茶好香口，甜度亦都剛剛好。食物唔錯，價錢大眾化，下次要約下朋友黎呢間聚下先得，又可以點多幾味餸食🤤。