爺爺雞飯 (金百利中心) (已結業)

有日放左工諗住簡單食個飯先返屋企，所以就行左落銅鑼灣，見sogo附近有海南雞食，一於就去試下啦。餐廳環境都簡潔舒服，唔錯。爺爺海南雞飯拼馬來肉骨茶 ($88)雞肉好嫩滑，雞皮富有彈性，有黑豉油、辣醬、薑蓉配埋一齊食。飯有油香，粒粒分明。肉骨茶好足料呀，有冬菇、杞子、排骨，d肉煲到好綿，好味!香葉雞($34)食落有香葉、香茅味，醃得入味香口，肉質亦juicy，唔錯。馬來沙爹串燒($68)有豬、牛、雞各2串，燒得好香呀! 沙爹醬有香濃花生醬，好惹味。泰式奶茶 ($20)桔桔($11)奶茶幾香滑又唔會太甜。桔桔酸酸甜甜好解渴