影片
更多
2015-01-04
7921 瀏覽
今日約了媽咪食開年飯，之前在尖沙咀和幸吧食過燒肉午餐，又好味又抵食！今日特別帶鍾意食燒肉嘅媽咪試一下！無事先訂位，去到即刻有位！坐吧枱對面嘅四人卡位枱，枱面有圓型爐位，座位比尖沙咀闊落，深木色桌面，吧枱一面面向師傅！再入去有隱密啲嘅位方便談心！一心要食「燒肉自選一人前定食」（$88）不過發現比上次在尖沙咀食，包嘅食物已經少了！無咗刺身同串燒、醃菜、飲品，多了甜品，唔知尖沙咀分店係唔係都縮水了？落單後店員即刻開爐！好快兩個定食已經上枱！自己燒，肉類依然出色！個爐又夠熱，好快熟！肉汁好多！放上飯面等啲肉汁流埋落飯粒一齊食！正！自己燒可以因應自己食嘅速度，唔錯！ 海鹽特選黑毛和牛：油雪花分佈平均，油香滿溢，配香蔥食，唔點醬油都夠味！入口 岩鹽燒薄切上等牛舌：好薄，未燒時係好靚粉紅色，因為薄，好快熟，遇熱出晒油，入口即化！好正！ 黑毛和牛小排肉：比較厚身，燒耐少少，油份唔及「海鹽特選和牛」但又多了咬口，牛味亦較重，口感唔同！蒜辣豬頸肉：唯一唔係牛嘅，亦比較失色，因為蒜辣醬好杰，豬頸肉出晒油，少少燶邊，味道都唔錯，但無牛肉咁香！其他有：溫泉蛋：一個窄口小杯裝住，好簡單一個小食，不過唔同嘅係雞
無事先訂位，去到即刻有位！坐吧枱對面嘅四人卡位枱，枱面有圓型爐位，座位比尖沙咀闊落，深木色桌面，吧枱一面面向師傅！再入去有隱密啲嘅位方便談心！
一心要食「燒肉自選一人前定食」（$88）不過發現比上次在尖沙咀食，包嘅食物已經少了！無咗刺身同串燒、醃菜、飲品，多了甜品，唔知尖沙咀分店係唔係都縮水了？
落單後店員即刻開爐！好快兩個定食已經上枱！自己燒，肉類依然出色！個爐又夠熱，好快熟！肉汁好多！放上飯面等啲肉汁流埋落飯粒一齊食！正！自己燒可以因應自己食嘅速度，唔錯！
海鹽特選黑毛和牛：油雪花分佈平均，油香滿溢，配香蔥食，唔點醬油都夠味！入口
岩鹽燒薄切上等牛舌：好薄，未燒時係好靚粉紅色，因為薄，好快熟，遇熱出晒油，入口即化！好正！
黑毛和牛小排肉：比較厚身，燒耐少少，油份唔及「海鹽特選和牛」但又多了咬口，牛味亦較重，口感唔同！
蒜辣豬頸肉：唯一唔係牛嘅，亦比較失色，因為蒜辣醬好杰，豬頸肉出晒油，少少燶邊，味道都唔錯，但無牛肉咁香！
其他有：
溫泉蛋：一個窄口小杯裝住，好簡單一個小食，不過唔同嘅係雞蛋黃太挺身，成粒乒乓波咁，蛋黃唔流心，唔可以同醬汁混合，所以蛋黃食落好淡，蛋白混合微甜醬汁，好滑溜好味！
日式沙律：沙律生菜已現鐵鏽色，似乎放了一段時間，幸好仲爽脆，蕃茄仔正常！配日式酸味醋汁，好清爽開胃！
麵豉湯：夠熱，普通豆腐海帶麵豉湯，味道唔太咸，正常！
雪榚糯米糍：普通現成呍呢嗱味雪榚糯米糍，雪榚滑，外皮煙韌！
食物水準唔錯，服務又好，店員都好親切有禮！收碟加水好勤快，值得讚廁所闊落，設備齊全，仲好乾淨！日本餐廳呢方面一向都比較有保證！不過上次尖沙咀唔收加一仲有折，今日要收加一，所以無咁抵食！
可以舒服食一餐！
張貼
