又一棧 (已結業)

一行十二人, 叫左個十人套餐, 菜式有(希望無記漏):三小碟: 雞絲拉皮–大路貨式 醋撈海螫–呢個好味 醬蹄–都唔錯芙蓉帶子–即係蛋白炒帶子, 都炒得幾滑, 油左少少(我估好難避免).砂鍋什錦津白--大路貨式崧子黃魚–有識食人士一睇就話呢味刀工唔得, 而個waitress將呢味送上檯後, 竟然好似處理蒸魚咁, 將佢\切開晒, 都幾奇怪. 不過個汁味道唔錯, 唔會嗆喉, 以致大家食完條魚之後, 都繼續不遺餘力咁掃埋d配料.樟茶鴨配荷葉餅–唔會炸到d鴨好乾爭爭咁, 荷葉餅亦都好穩陣地好食.蜆肉雜菌豆腐–一般小籠包–有驚喜, 皮好薄, 連包頂既摺位食落都唔覺厚, 肉汁豐富, 係稍為肥膩左d, 不過一隻起兩隻止都接受到.上海粗炒–一般紫米椰露–有d同西米一樣但質地唔同既野, 我自己唔鍾意囉.初時驚唔夠食, 另外散叫左火腿津白同毛豆百頁, 前者極度的式, 一人一件都唔知有無, 味道就兩樣都唔錯既. 不過套餐除三小碟之外, 其他份量都幾大, 最終個粗炒都食唔晒. 埋單每人$130, 響又一城黎講, 算係咁, 但係檯同檯之間太迫, 人多嘈吵, 加埋個plasma, 有d