發記海鮮酒家

營業中

休息中

今次係第三次來呢度，基本上每次都係幫襯佢哋。隔籬海鮮島嘅評語毁譽參半，自己未試過，又唔可以莽下判斷嘅...老師榮升大教授，一班徒弟仔梗要食餐賀賀佢。一行十六人，如果來個a la carte又實在麻煩，叫兩個套餐就算la..例牌有魚、龍蝦伊麵底、白灼蝦、薑葱炒蟹等。質素亦係例牌嘢，蝦有一點酶味，蟹肉不太鮮及太"削"；龍蝦還可以，但精華所在嘅炆伊麵就不太入味；魚足足有斤幾兩斤重。咁大條，除非係靚嘢，否則，你都可以想像D肉有幾嚡...最好嘅竟然係頭盤嘅沙薑雞腳，問你怕未? 記得上次自己出去揀海鮮，質素確真不賴。估唔到套餐差咁遠...不過，依然夠平夠抵食，個個食到捧住個肚出嚟...除咗我...