影片
更多
2021-11-23
255 瀏覽
由日本壽司大師見城俊二弟子林焜耀耀師傅主理嘅鈴 · 鮨刃，雖然開業不久，但已經吸引唔少食客慕名前來。呢日平日同媽咪過嚟食omakase，一樣全場滿座！同一般傳統鮨店不同，一踏出電梯已經感受到嗰份嶄新氣派，鈴 · 鮨刃空間感十足，裝潢充滿現代感，高貴有格調。師傅先送上三款前菜，由淡味食起。前菜分別係：蛋黃蛋白砵，東風螺及黑松露蟹肉小食。跟住係毛蟹茶碗蒸，茶碗蒸口感滑溜，加入絲絲毛蟹蟹肉及鮮甜爆汁嘅三文魚子，鮮味突出！我同媽咪點咗兩個lunch set Share：浪Nami($450)呢個set以吞拿魚為主打，包括：先付、茶碗蒸、大拖羅壽司、中拖羅壽司、赤身、燒吞拿魚鮫壽司、吞拿魚卷物、吞拿魚蓉丼、湯及甜品。一次過試到大拖羅、中拖羅及赤身，大拖羅自然油脂分佈最密佈平均，雪花般的花紋充滿魚油脂肪，入口即溶，毫無筋位。但赤身都唔錯，新鮮赤身肉質柔軟，魚味濃郁，各有特色！燒吞拿魚鮫壽司又係我另一至愛，一條吞拿魚只有極少部份，非常珍貴稀少，所以難得見到當然唔可以錯過！吞拿魚鮫油份豐腴，火炙後逼出油香，連筋位都化開，一啖放落口，滿口魚油香，滿足！吞拿魚卷物，用吞拿魚配搭蘿蔔，甚有火花！吞拿魚蓉丼好
師傅先送上三款前菜，由淡味食起。前菜分別係：蛋黃蛋白砵，東風螺及黑松露蟹肉小食。
跟住係毛蟹茶碗蒸，茶碗蒸口感滑溜，加入絲絲毛蟹蟹肉及鮮甜爆汁嘅三文魚子，鮮味突出！
我同媽咪點咗兩個lunch set Share：
浪Nami($450)
呢個set以吞拿魚為主打，包括：先付、茶碗蒸、大拖羅壽司、中拖羅壽司、赤身、燒吞拿魚鮫壽司、吞拿魚卷物、吞拿魚蓉丼、湯及甜品。
一次過試到大拖羅、中拖羅及赤身，大拖羅自然油脂分佈最密佈平均，雪花般的花紋充滿魚油脂肪，入口即溶，毫無筋位。但赤身都唔錯，新鮮赤身肉質柔軟，魚味濃郁，各有特色！
燒吞拿魚鮫壽司又係我另一至愛，一條吞拿魚只有極少部份，非常珍貴稀少，所以難得見到當然唔可以錯過！吞拿魚鮫油份豐腴，火炙後逼出油香，連筋位都化開，一啖放落口，滿口魚油香，滿足！
吞拿魚卷物，用吞拿魚配搭蘿蔔，甚有火花！
吞拿魚蓉丼好好食！吞拿魚蓉魚油豐腴，口感綿密香濃，份量亦慷慨，同紫菜碎一齊食，味道好豐富！
碧Heki($520)
包括：先付、茶碗蒸、壽司12貫、湯及甜品。
壽司12貫分別係：
伊佐木、象拔蚌、深海池魚、赤貝
池魚、間魚、鯖魚
鰤魚，中拖羅， BB銀鱈魚
海鰻
海膽
試咗其中幾款，最鐘意BB銀鱈魚，脂膏豐腴，肉質細緻；伊佐木魚味香濃；海膽色澤金黃，鮮甜甘香；象拔蚌來貨新鮮，入口爽彈，越嚼越有甜味滲出；鰤魚肉質甜美，油脂滿滿！
壽司環節過後，師傅就送上白麵豉湯。用白麵豉，味道香濃。
最後當然要有甜品作結。檸檬雪芭酸甜清新，唔單止清新味蕾，亦開胃解膩，面頭仲有oreo碎，食落更有口感！
整體壽司水準好高，店員服務亦細心到位，美中不足嘅地方係我哋遲咗訂座，無緣坐吧檯欣賞師傅刀功手勢，不過坐樓下就比較方便我share兩個餐，可以一次過試多D款式，哈哈！最後超級溫馨提示，一定一定要參觀廁所，靚到癲！我哋開頭唔知，所以一入去嗰下勁驚喜！
張貼
