Golden Diamond Truffle (已結業)

🥤松露西班牙皇室黑鑽朱古力($65)🥤香濃嘅朱古力沙冰，散發淡淡黑松露味道，口感幼滑，唔係幾甜。價錢比出面嘅朱古力飲品貴，不過放咗三塊黑松露，都算真材實料，呢個價錢係飲佢奢侈嘅味道。🥤西班牙皇室黑鑽草莓朱古力($65)🥤淡淡嘅朱古力沙冰散發住淡淡嘅士多啤梨，微酸少甜，感覺成杯都淡淡地冇咩味，雖然上面都係放咗兩塊松露，但係黑松露味亦都唔凸出。整體上，我覺得松露西班牙皇室黑鑽朱古力比士多啤梨個杯好飲。🏠環境唔算好大，座位少，但係裝飾都幾有心機，放咗好多黑松露，帶出餐廳嘅主題，都幾啱買完杯嘢飲攞嚟打下卡。