Nathanhouse (已結業)

話說今日小弟同女友人黎左奧海城, 我地都好耐無黎啦.. 今次黎到發現商場多左好多野行. 咁我地行到攰就去左戲院隔離間food court揾野食.. 但行完一輪都無野岩食. 之後發現原來戲院同foodcourt之間有間餐廳.. 好似幾骨子咁我地就試下啦.. 佢呢間餐廳主打lounge風， 所以感覺有d酒店feel. 野食方面我地叫左一個晚餐2人餐, 有一個餐湯，一個廚師沙律，焗蒜蓉包，椰子雞湯燴鮮海蜆，香烤加拿大豬架同美國黑安格斯肉眼牛扒。 味道方面個蒜蓉包好脆口點埋個忌廉餐湯食一流, 個廚師沙律就d汁酸酸地好開胃. 個椰子雞湯燴蜆呢我就連湯都飲晒因為好fresh好青甜.. 個烤加拿大豬架就好厚實得黎又好juicy, 個黑安格斯都大塊同軟熟牛肉味都濃.. 最後仲有個小卷蛋做甜品.. 食到我兩口子飽住走