Mamma Mia Gelato (MOKO新世紀廣場)

營業中

休息中

雪糕永遠都係吸引嘅甜品, 就算減肥都好難抗拒誘惑。今日同朋友食完飯經過雪糕店見到’無脂肪 無糖’五隻字已經雙眼發光。舖頭有好多味道選擇, 除咗standard嘅香草、朱古力, 鮮果系列嘅山竹、榴槤, 更加有創新嘅金莎口味。作為綠茶控嘅我就即刻買無糖綠茶口味一試!口感方面, Gelato密度好高好紮實, 而且幼細綿滑, 個人認為比起坊間其他連鎖Gelato店舖做得更出色。味道方面, 茶香與雪糕色澤一樣咁濃! 店員表示材料用上日本綠茶粉, 所以茶味突出, 濃郁得嚟唔會覺得苦澀。加上無糖關係, 雪糕唔甜之餘, 仲帶上一絲回甘。